Staff ICFP Nain 3 tuir treinamentu konaba Media Officer husi Jornalista Munisipiu Baucau.
Baucau, Loron Segunda 12-06-2023 Staf Instituto Católico Para a Formação Professores (Sigla Portugues,ICFP) nain 3 husi parte administrasaun no tekniku informatíku tuir treinamentu mídia officer husi Jornalista timor post no Radio komunidade Baucau iha salaun ICFP Baucau durante loron tolu hahú segunda to’o kinta feira semana ne’e.
Objetivu husi treinamentu ne’e atu aumenta liu tan koñesementu no abilidade kona-ba mídia officer nune’e bele fahe informasaun no atividade ne’ebé akontese iha ICFP.
Formandu ne’e afirma Materia ne’ebé durante loron tolu aprende mak hanesan Definisaun Media, Funsaun Media, Jornalismu baziku, Papel Jornalista, Tekniku hakerek notisia uza sistema 5W 1H, inklui tekniku entrevista no hasai foto.
“Ami hakarak partisipa treinamentu ne’e atu hetan matenek husi formador hodi bele halo ami nia kobertura ba aktividade ICFP” Hato’o husi Heriquieta iha salaun formasaun ICFP.
Formandu nain tolu ne’ebé partisipa iha treinamentu durante loron tolu kompostu husi administrasaun nain rua no tekniku informatíku nain ida. Mídia ICFP/@mídiaH’P@